Ísbirnir 1 2 og ...

það sjást allstaðar ísbirnir núna, ég sá einn  á laugardaginn, en áður en ég gat gripið símann minn og kallað út lögreglu og víkingasveit eða hvað það nú er sem gerist, sá ég að helvískur var í góðu yfirlæti með ÖÐRUM  hestum hehehehehehehe

Bjarndýrsútkall í Langadal

Og það var loksins slegið ;)

Jæja loksins var slegið sendi örverpið mitt og sonardætur út í garð með sláttuorf og hrífu ásamt svörtum ruslapokum og rak þau með harðri hendi til verka. Myndir í albúmi kem þeim ekki inn í færslu, veit ekki hvað stoppar það.

smá blogg fyrir svefninn

Ji... Amy var að tala við kærastann og var ekki bílnum mömmu hennar stolið í nótt, fjandans vesen veit ekki hvernig gengur að finna stolna bíla þarna, enda sjálfsagt þegar skemmdur.

 

Kiddi mágur minn var jarðaður á laugardaginn vestur í Saurbæ frá Staðarhólskirkju, það var mjög margt við athöfnina, greinilega margir sem vildu fylgja honum síðasta spölin. Athöfnin var afar falleg og einkar persónuleg þar sem presturinn hann séra Bragi var bara krakki þegar Bíbí og Kiddi og foreldrar hans þau séra Ingiberg og Helga bjuggu í sama húsi þ.e að Hvoli í Saurbæ, og léku krakkarnir sér mikið saman, neðri og efri hæðar börnin.

 

Sonardætur mínar úr Hólminum gista hérna hjá mér núna, veit ekki alveg hve lengi, þær ætla eitthvað til Estu líka held ég, alla vega ætla ég að senda þær þangað 1 dag í vikunni, en ég ætla norður á Hvammstanga á fimmtudaginn, þarf að skutla rsr í vinnuna þann dag og ætla bara að halda áfram norður. Jedúddamía hvað ég hlakka til

 

Mér finnst orðið skelfilega stutt í að sumarfríinu mínu ljúki, úff, get bara tæplega hugsað mér að byrja aftur, er engan vegin góð í skrokknum þó ég sé í fríi hvað þá þegar maður fer að spana aftur eins og það er mikið að gera þarna núna eftir breytingar, var nú þokkalegt fyrir, en hefur sannarlega aukist.

 

Hvað um það, yrði auðvitað gargandi geðvond ef ég allt í einu ætti að fara að  vera heima ekki gott að gera svona konum til hæfis.

 

Andlaus

Gangið á Guðs vegum gullin mín, sendi ykkur öllum ljós og orku.

Knús

Ykkar einlæg

 

20 ára brúðkaupsafmæli

hjá krökkunum mínum í Danmörkinni, innilega til hamingju með daginn krakkar mínir.

Ekki finnst mér svo langt síðan að ég var að rembast við að baka brúðkaupstertu í sumarbústað norður í Aðaldal, svona til að koma þeim á óvart þegar þau kæmu norður, það var nefnlega ekkert gert í tilefni dagsins svo ég gat ekki látið þau eta ristað brauð þegar þau komu norður til mín nýgift .

 

 

Á morgun er það svo jarðaför, Kiddi mágur minn varð bráðkvaddur þann 7 þ.m. og verður jarðsunginn á morgun í Saurbænum, þá er hún systir mín búin að sjá á eftir 3 úr fjölskyldunni sinni, fyrst ungum syni sem varð  ekki nema rétt rúml 3ja mánaða, síðan tvítugum syni sem hafið tók, og nú er það maðurinn hennar, mikið lagt á eina konu að mér finnst, en svona er lífið og öll verðum við að takst á við það sem að höndum ber.

Gangið í ljósinu gullin mín.

Ykkar einlæg

Þeir spá rigningu :)

 skýjað og belgingur, en samt glennir sólin sig framan í okkur í dag, en þeir hafa lofað rigningu...

....

þar til ég fer heim aftur...                                  

 

 

Takk fyrir commentin frá ykkur krúttin :*

ÚFF 26°!

Já, segi og skrifa 26°c   aðeins of heitt fyrir mig, ja nema í forsælu, Elva fór með Hjálmar og vin hans til Nimtofte á einhverja bæjarhátíð og ég ákvað að vera heima, ræð bara ekki við að þvælast í þessum hita.

Kerlan fór á ströndina í gær, ákvað að vaða aðeins út, það er svo grunnt þarna að það þarf að fara nokkra leið ef maður ætlar að komast í eitthvað dýpra en í kálfa, en já eftir smátíma og notalegheit finn ég eins og eitthvað iði undir löppinni á mér, nú ég álpast til að horfa ofan í sjóinn og sé hvar smákvikindi skutlast undan löppinni á mér og þegar betur var að gáð moraði allt þarna í einhverjum smákvikindum og ég hljóp skrækjandi í land. Úff fannst ég vera komin í eitthvert köngulóager hehehehehe, fékk mig ekki til að fara út í aftur

En mikil er afslöppunin búin að vera, ekkert gert umfram það að fara í sólbað, sturtu og drekka kaffi nema þegar maður fer af bæ. Við fórum reyndar til Nimtofte í gær á þessa bæjarhátíð og ekki var mikið um að vera þar en við stoppuðum samt dágóðan tíma.

Var stödd í Kvikly í vikunni að skoða vöruúrvalið þegar allt í einu er sagt "hæ Gunna"  og ég lít upp er ekki Gústi Dan mættur á svæðið og sem ég sný mér við er frúin hans hinu megin við mig. Skondið að rekast á þau hérna þar sem ég hef ekki séð þau síðan Esta og Skúli giftu sig

Búin í bili

Sólarknús

Yndislegir dagar

Yndislegir dagar, sól og sæla.

Fórum til Grenaa í gær á einhverja open night hátíð bara gaman að því og í dag fórum við á Fjellerupströnd sulluðum í sjónum og fengum okkur kaffi og tertu. Síðan var farið á handboltaleiki í Ramten og þar vorum við næstum grillaðar mæðgurnar svo mikil var sólin og hitinn.

Tengdasonurinn er bara ALDREI heima, ég held að hann borgi fyrir að fá að vinna frameftir

Þar til síðar

sólarkveðjur af skippershovedvejen

Rétt lifði af gærdaginn...

... en ekki vegna vanlíðunar í flugtaki og lendingu (sem ég var reyndar alveg laus við í þessari ferð, takk fyrir góða strauma:*) heldur var hitinn að drepa mig já segi og skrifa alveg að d r e p a mig, púff.

Ferðin út var yndisleg, flugið frábært og góður ferðafélagi, kona sem býr í Horsen svo það var hægt að spjalla aðeins á milli þess sem var lesið og dottað.

Í dag er frekar heitt eða sko fyrir mig ég er strax farin að svitna og er reyndar búin að fara út í sólina og borða morgunmatinn í sólbaði og fuglasöng, maurarnir trítluðu í kringum mig og pödduhrædda konan sat berfætt úti en hafði ekki dug (vegna hita) í sér til að standa upp og ná sér í skó hehehehehe, einhvern tímann hefði ég ekki trúað þessu upp á mig.

Krúttin mín, ég verð örugglega lítið á ferð um bloggheimili ykkar á meðan ég er hér en þið fáið bara sólskinskveðjur frá skippershovedvej í danaveldi

afslöppun

er mín ekki bara ein heima í rólegheitum, reyndar er tíkin heima líka :), krakkarnir tóku bifreiðina mína traustataki og skelltu sér til höfuðborgarinnar, koma heim einhverntímann í kvöld, meira flakkið á þessu liði hehehehehe. Nei þau eru nú ekki mikið á ferðinni, en nú átti að hitta góða vini sem þau kynntust í Hólminum og borða svo saman, fínasta mál.

 

Ég?

Ég sit bara heima og lem lyklaborðið af mikilli innlifun og velti því fyrir mér hort ég eigi ekki bara að fá mér göngutúr, en ætli ég leggi mig ekki bara þar til þessi tilfinning hverfur,það er öruggast

 

Hef ákveðið að hitta eina bloggvinkonu í Danmörkinni hana Kristínu mína (engilstínu)  það er alveg ómögulegt að keyra nánst um tröppurnar hjá henni og líta ekki inn.

Jæja, kannski ég ætti að fara að huga að því hvað á að fara í töskuna mína, eitthvað smánammi fyrir danina mína svona að gamni, tengdasonurinn er víst búinn að skipta út ora grænu baununum fyrir rauðkál svo ég þarf ekki að færa hinum baunafæði í baunaland hehehehe.

 

Jæja, næsta blogg verður frá húsinu á hæðinni einhverntíman eftir 2. júní

 

Hef ekki gefið mér tíma til að fara í bloggheimsóknir núna, geri það bara á meðan ég bíð eftir að Elva ljúki vinnunni og komi heim til að drekka með mér kaffi, og þangað til

Njótið alls þess besta sem lífið hefur upp á að bjóða

knús 

Hugvekja dagsins hehehehe

Góðan og blessaðan daginn gott fólk

 

Er ekki kominn tími á smá hugvekju hehehehehe.

 

Bestu þakkir fyrir allar afmæliskveðjurnar frá ykkur "smjúts"

 

Hanna, ég spurði Bjarka hvort hann myndi ekki eftir þér, hann brosti  út fyrir bæði eyru og ég skipaði honum að kíkja á síðuna þína veit ekki hvort hann kommentar, segist ekkii vera í þeirri deild hehehehe og nei hann er ekki bakari.

 

Jæja 2 vaktir eftir í vinnunni og svo er það skottúr norður býst ég við og síðan að potast um borð hjá Iceland express og blaka vængjum ótt og títt og hlamma sér svo á danska jörð í sól og sælu, ja eða dumbung og sælu

 

Amy skottan er að fara heim á sunnudaginn, það verður tómlegt hérna hjá stráknum mínum í næstu viku, hans bráðskemmtilega móðir farin að heiman og unnustan líka, já það verður ansi tómlegt held ég. eða ég vona a.m.k. að hann sakni okkar

 

Annars er fátt eitt og bara gott, reyndar verið að breyta upp í OLÍS og það er frekar þreytandi, mér finnst ekki þægilegt að vinna þar sem maður þarf að klofa yfir skríða undir fetta sig og bretta til að  geta nálgast vöruna sem vantar, en eins og ég segi er ég að fara í fríið. Þetta er nú samt allt voða spennandi og verður bara gaman að mæta aftur í vinnu í byrjun júlí, þá verður allt komið á fullt þarna, það verður spennandi að prófa það.

 

Kannski hendi ég inn bloggi áður en ég fer, annrs reyni ég að nota tækifærið á meða Elva og Raggi eru í vinnu og Hjálmar í skóla og stelst í tölvuna hjá þeim.

 

Sendið mér nú góða strauma, þoli nefnilega ekki flugtak og lendingu hehehehe, mín vegna mætti vera 6 tíma flug til dk mér líður svo vel þegar við erum komin í loftið.

 

Knús á ykkur krúttin mín, ég hef ekki verið dugleg að kommenta undanfarið enda haft takmarkaðan aðgang að tölvu en það fer nú vonandi að breytast til batnaðar, svo er þetta bara full vinna ef maður ætlar að lesa og kommenta hjá öllu liðinu, get vel trúað að þetta séu svona allt að  2 tímar sem fara í setu við tölvuna við þá iðju, svo....

 

 

Knús í bæinn

Ykkar   einlæg