Bestu bestu þakkir kæru bloggvinir mínir :*

Jæja, talaði við Elvuna mína í dag, hún var bara nokkuð hress, þjáðist af hiksta síðastliðinn sólarhring en var laus við hann í kvöld þegar ég talaði við hana í seinna skiptið. Hún er ykkur öllum þakklát fyrir hlýjar hugsanir og bænir ykkar og ljós, það er alltaf svolítið erfitt að vera í nýju landi og lenda í svona hremmingum, sem sannarlega hefðu ekki þurft að verða svona slæmar ef læknarnir hefðu hlustað og tekið mark á henni þegar hún fór til þeirra fyrst og var sagt að FLENSA væri að hrjá hana og færi svona illa í aðgerðarsvæðið aaarrrg!!!

Hvað um það, hún veit ekki hvenær hún fær að fara heim, það kemur bara í ljós.

 

Að allt öðru!  það er sannarlega vetur hérna núna, og það er snjór og ég held að það stefni í einhverja hríðargusu, bara hressandi, ekki græt ég það þó maður sjái smá snjó, þarf ekkert að verða mikið meiri en komið er þetta er fínt.

Ég hef ekki verið mjög dugleg að kommenta hjá ykkur þessa daga, verið arfaslök í því reyndar, en ég hef heimsótt ykkur öll samt reglulega.  Gaman finnst mér að sjá að hér birtist í kommentakerfinu hún Hanna Sigga mín frá Hvammstanga, ef þú lest þetta krúttan mín, skilaðu kveðju í Lillukórinn og KYSSTU Guðjón fyrir mig á báðar kinnarnar ( ekki ra....kinnarnar hehehehe)  en æ, ég sakna ykkar stundum, meira í dag en ég gerði fyrsta veturinn minn eftir að ég fór.

Farið varlega í snjónum og hálkunni, njótið daganna og megi ljósið umvefja ykkur alla daga og nætur.

Ykkar mikið minna stressuð mammzan

 

bara gott að frétta...

...af henni dóttlu minni. Ætla að hringja í hana á morgun og spjalla betur við hana. Talaði örstutt við tengdasoninn og fannst hann vera ánægður með framvindu mála, Elva bað mig svo um að hringja í sig á morgun svo ég var ekkert að yfirheyra hann meira.

Kæru vinir mínir, bestu þakkir fyrir það sem þið hafið gert, það er ekkert verra að þið sendið ljós svona eitthvað enn, það gerir öllum gott, þiggjanda og sendanda.

Knús á ykkur og ég bið góðan Guð af vaka yfir ykkur

Stressaða mamman

Hanna Sigga mín, gaman að sjá komment frá þér, já Lillukórsferðirnar

Nánari fréttir í dag

Takk elsku bloggvinir og allir þeir sem sendu henni dóttir minni ljós og bænir.

Hún er komin á almenna deild, fór þangað í gær, eitthvað pokadót hefur verið týnt utan af henni og hún er með 1 poka sem liggur í bakið (óóóóóó ég er svo hrædd við nálar hehehehe) með lyfjum, bæði verkja og sýkla skildist mér. Hún er búin að vera frekar uppdópuð svo Raggi hefur kannski ekki alltaf náð öllu sem hún hefur verið að reyna að segja, eða hún ekki komið öllu frá sér, en þar sem verkjalyfin hafa verið minnkuð þá er það nú á réttri leið, enda þorði hann ekki annað en að henda í þvottavél í gær, svona ef hún færi að spyrja um heimilishald.

En sem sagt, nýjar fréttir ættu að koma inn hér í nótt eftir vinnu hjá mér. endalaust mikið þakklæti til ykkar sem höfðuð stelpuna mína í bænum ykkar, þið megið gera það enn um sinn

Að öðru.

Alltaf gaman að rekast á gamla vini og það gerðist einmitt núna í fyrradag, fann gamlan vin frá Bíldudal, einmitt hérna á moggablogginu, það verður gaman að rifja upp liðin tíma, hann var helsti dansfélagi minn hér í denn á böllunum í Baldurshaga, sneri mér og þeytti sem skopparakringlu í kringum sig, oft hef ég saknað þess. Gaman að ná sambandi við þig á ný "gamli" minn

Knús og enn meira knús

Megi dagurinn verða ykkur góður og megi ljósið umvefja líf ykkar. 

Það berast ekki alltaf góðar fréttir :´(

Fékk ekki góðar fréttir í gær, Elva flutt á sjúkrahús í Randers í fyrrinótt með sýkingu. Fór í aðgerð á dögunum, tekin blaðra á eggjaleiðara, fékk sýkingu upp úr því, liggur inni nokkra daga sögðu læknar í gær “snökt snökt”  og þá rífa sig upp heilmiklar mömmuáhyggjur.

Hjálmar er nú reyndar svo heppinn að eiga góða að, hann kynntist íslenskum strák sem á heima þarna örstutt frá (heimili Hjálmars) og ég held  að hann fari þangað eftir skóla, hann var þar í gærkvöldi og mér skilst að honum sé velkomið að vera þarna eins og þarf, gott fólk og hjálplegt.

Nú vantar mig bara bænheitt fólk sem vill senda stelpunni minni góðar bænir og heilun þar sem hún liggur á  Regions Hospital í Randers hæð c 6 stofa 5.

Annað var það nú ekki í bili

Knús til ykkar allra og gangið í ljósinu

engar pönnsur í dag :)

en mér var nú boðið í kaffi og köku, gott að eiga góða granna, Hera var að baka og bauð ömmu sinni í smakk.

Yndislegt veður hér í dag, svolítið kalt en það gerir nú ekki mikið til, snjór yfir öllu og svo krúttlegt. Er í fríi í dag en á helgina, opnum kl 7 á laugardögum, ÚFF það finnst mér nú glataður tími en svona er þetta samt, sem betur fer er ekki opnað fyrr en kl 9 á sunnudögum.

Elsta barnabarnið hún Sylvía Hera verður 20 ára á morgun, ætlar að hafa kaffi fyrir eðalgesti og svo ætlar hún að vera svo dugleg að hafa matarveislu fyrir vinina annað kvöld, dugnaðarstelpa, er samt búin að liggja veik heima og hefur ekki getað gert nein ósköp, en hún verður nú bara tvítug einu sinni svo það er eins gott að gera eitthvað sér til skemmtunar.

Helv... þurrkarinn minn er ekki að sinna þeim verkum sem fyrir hann eru lögð, svo nú þarf að fjárfesta í klemmum og fara að hengja út brrrrrr, eða nota innisnúrur, svona allt upp á gamla mátann tími sko ekki að kaupa mér nýjan núna, það verður að bíða betri tíma enda komst maður af hér áður og það hlýtur að ganga núna líka hehehehe, væri miklu frekar til í að kaupa mér svefnsófa, svona ef Jakob og Elísa kæmu, nú eða Karen mín Rut.

Annars, fátt eitt, og á meðan ekkert slæmt.

Er ekki í neinum bloggham þessa dagana, vonandi fer að rætast úr því þegar sólin hækkar á lofti enn meir og sinnið verður glaðara , maður verður að finna einhverja afsökun fyrir andleysinu.

Ætla ekkert að reyna að berja hér inn meira að sinni, bið ykkur bara að eiga góða helgi og takk fyrir tjáslurnar elskurnar, alltaf hægt að slá í pönnur ef þið nennið í kaffi, bara láta vita af sér svo konan sé heima en ekki að vinna.

Elsku Sara mín Diljá, rosalega er gaman að vita af þér hérna elsku krúttan mín, viltu skila góðri kveðju til hennar mömmu þinnar frá mér.

Bið um blessun fyrir ykkur mínir elskulegu bloggvinir

mammzan/Gunna 

 

 

 

Pönnsur með rjóma...

... og gott kaffi er plús dagsins hjá mér í dag!

Annars, ég hafði AF þessa 7 daga vinnutörn og önnur gusa hefst núna á mánudaginn hehehehe, það er nefnilega svo auðvelt að merkja við þær vaktir sem vantar á, en svo þegar kemur að því að vinna þær, ja þá er maður svona hálfspældur yfir þessu "merkjaviðstandi", en þegar svo er útborgað er bara gaman.

Búið að vera fínasta veður í allan dag hér á Skaganum, sé reyndar dálítið eftir því að hafa ekki rifið mig upp á ra..ga.... aðeins fyrr og skutlað mér í Hólminn, sumum íbúum téðs bæjar til óþurftar hehehehe.

Annars gengur lífið sinn vanagang, vinnamatursofavinnamatursofavinnama...... o.sv.frv. er heldur löt að koma mér úr húsi og snapa mér kaffi, nú eða lokka einhvern í sopa já og pönnsur á meðan þær eru til, sem verður ekki lengi úr þessu

Ætlaði bara að sýna lífsmark.

Gangið á Guðs vegum kæru vinir 

 

síðasti jóladagur í gær...

...síðasti dagur Amy minnar á morgun, þ.e hún flýgur áleiðis heim rétt fyrir kl 17 á morgun

Svo er það tilbreytingarlítið amstur hversdagsins sem er framundan.

Ánægð með nýju nágrannana, Steinunn mín Aradóttir og hennar ektakvinna hún Sigga eru að flytja inn hérna á móti það finnst mér ekki slæmt, góðir grannar sem eru að fara og svona uppáhaldsstelpa að koma.  Þær birtust hérna ásamt Línu og drukku með mér kaffi rétt áður en ég fór í vinnuna í gær, gaman að sjá þær og nú sé ég Línu kannski aðeins oftar, alla vega ef ég gæti þess að liggja í stofuglugganum og fylgjast með gestakomum þarna hinu megin

Skrapp í Einarsbúð að kaupa mér fisk, og er búin að steikja nýja ýsu og lauk sem Amy hitar sér svo bara upp í kvöld, verð að gefa henni eitthvað sem henni finnst einstaklega gott áður en hún fer, veit að hún verður ekki lystarmikil á morgun, en hún elskar steikta fiskinn minn og ég tala nú ekki um laukinn hehehehe, (mér finnst nú stundum fiskurinn aukaatriði, bara ef ég fæ steiktan lauk)

Gangið í ljósinu vinir mínir 

Gleðilega jólarest

Það var gestagangur hjá kellunni í gær  

Óli og Gosia komu með skotturnar sínar í kaffi til mín, þær höfðu drifið sig í að baka rosagott eplamuffins handa ömmu sinni bara þær sjálfar, frábært hjá þeim, ég fékk líka skemmtilegt dagatal frá þeim með fjölskyldumyndum . Óli var svo settur í smáreddingar, hann hefur sloppið svo vel við að redda henni móðir sinni síðan hún flutti úr Hólminum að það var ALVEG ófært að láta hann koma og sitja bara á rassinum hehehehehe

Kallinn skutlaðist með kærustuparið í höfuðborgina, þau fóru út að borða og í bíó, strákur kom svo heim með eðalkaffi fyrir múttuna sína, hugsunarsamur gæinn minn.

Fékk svo 2 barnabörn og eitt tengdabarnabarn í kvöldmat, Jakob kom með Elísuna sína og Karen Rut kom líka, gaman að fá þau, mikið spjallað og mikið hlegið. Mikið hvað ég er nú lánsöm með þetta lið mitt, Guði sé lof.

Takk elsku þið öll fyrir komuna, þetta var frábær dagur.

EN í dag, er Sunnevan mín og Birkir að flytja í bæinn þau eru að fara í skóla, en æææ ég mun sakna þess að sjá þau ekki þessar elskur, vonandi gengur þetta allt bara fínt hjá þeim.

Vinna í dag, aukavakt, peningagræðgi!

7 daga vinnutörn framundan

Bara í góðu

Knús

ÞAR KOM AÐ ÞVÍ!

GLEÐILEGT NÝTT ÁR

kæru þið öll og þökk fyrir samveruna hérna í bloggheimi.

Djöf... hvað ég er búin að vera LÖT, samt druslaðist ég til að koma mér í að bjóða Estu og co í mat, dreif mig á meðan Sunneva og Birkir voru úti og Stefán enn fyrir vestan, slapp alveg við Lýð og kærustuna hans, það var búið að bjóða þeim annað svo ég fór nokkuð þægilega út úr þessu hehehehe, reyndar svínaði Sylvía á mér, Andri vinur hennar og skólabróðir var á ferðinni og hún bauð honum bara til ömmu, bara gaman að fá hann aðeins í heimsókn.

Amy tók sig til og eldaði frábæran kvöldmat á gamlárskvöld, kalkún með sætukartöflumús einhverjum baunajafningi sem samanstóð af svona strengjabaunum sveppasúpu og fleiru og svo trönuberjasósa, fuglinn var fylltur með brauði, papriku og????. Þetta var þvílíkt gott, var nú ekki mjög spennt, hef einu sinni áður borðað kalkún en hann var ekki svona góður, var frekar þurr, þessi var æðislegur, steiktur við mikinn hita til að byrja með og þar með var allur safi rækilega lokaður inni :) nammi namm, nú verður þetta héðan í frá áramótahnossgætið mitt! Takk elsku Amy

Jólin voru indæl, bara notalegt, allir fengu góðar gjafir og vel valdar sumir fengu óvænta gjöf (ég) sem fékk viðkomandi (mig) til að tárast, vissi að ég átti góða vinkonu hérna, en að hún hugsaði svona fallega til mín, ja ég átti líka að vita það, takk elsku Ragga mín

Núna er það svo hversdagurinn sem tekur við, ekki slæmt, nema jú, Amy mín fer að fara út aftur, en svona er lífið, hún er ekki í þeirri aðstöðu að koma hingað til lengri veru og Ragnar Sigurður er ekki á leið út í heim að sinni, hann þarf að ljúka öðrum verkefnum fyrst.

Nú á ég von á að Jakob Hjörtur og hún Elísa litla komi um helgina, og vonandi Karen Rut líka, svo er ég að hugsa um að liggja á Óla að kíkja í kaffi einhvern tímann á morgun, get bakað pönnukökur,( loksins á ég almennilega pönnu aftur, su gamla var eyðilögð fyrir mér aaaaaarrrrg! lét bara tengdó gefa mér nýja hehehehe) og hent á þær rjómaklessu,  ekki slæmt að mínu mati.

Ekki ætla ég að gera neinn annál síðasta árs, hann er að finna í blogginu mínu hvort eð er og það finnst mér alveg nóg, nenni ekki að pota honum inn hérna, árið var bara alveg sæmó og ég sátt við það að flestu leyti, Elva og Raggi fluttu til Danmerkur, sakna þeirra oft, ég skrapp til þeirra í 1/2 mánuð og ætla aftur í ár, já aumingja Raggi fær tengdó sína aftur og trúlega í annan 1/2 mán hehehehe "illgirnislegur hlátur" .  Gjöfin góða sem ég fékk fyrr á árinu er ekki komin enn í mínar hendur, en ég ætla ekki að uppljóstra neinu um það hér að sinni, það vita þetta nokkrir en ég er ekki tilbúin að gera hana opinbera strax, til þess liggja ótal ástæður, en mikið hlakka ég til að geta notið hennar og vona að ég geti notið hennar lengi.

Jæja, er þetta ekki bara gott í bili? held það.
Sendi ykkur öllum mínar bestu óskir um að árið verði ykkur til farsældar og gleði.
Knús á línuna

Ódýrt bloggað í dag

Takk fyrir komment á færslu hér á undan kæru bloggvinir mínir, Hafdís mín, kær kveðja til þín og þinna, hugsa stundum til ykkar.

Var aðeins að leika mér HÉRNA  þið getið kíkt á þetta ef þið viljið.

Knús