Gleðileg Jól

Ekki verður mikið bloggað fyrr en um/eftir jól svo ég ætla bara að segja við' ykkur kæru vinir:

                                                  
 

 

Ég óska ykkur öllum innilega gleðilegra jólahátíðar, megi góður Guð blessa ykkur og fjölskyldur ykkar. Knús og enn meira jólaknús

  

 

 

 

 

 

                                                                      

                                        
 

fékk þetta í emaili

og má til með að setja þetta hér. Gjörið svo vel:

The prayer:

Father, I ask You to bless my friends, relatives and those that I care deeply for, who are reading this right now. Show them a new revelation of your love and power. Holy Spirit, I ask You to minister to their spirit at this very moment. Where there is pain, give them your peace and mercy. Where there is self-doubt, release a renewed confidence through your grace. Where there is need, I ask you to fulfill their needs. Bless their homes, families, health, finances, their goings and their comings.

In Jesus' precious name.

Amen.

Ég fékk konfekt

                                                                    

 

                                                              Jólakonfektið    

 

                         Maður gerir ekki mikið á meðan svona askja býður á sófaborðinu                                           

Hvað gerir maður þegar maður nennir ekki að gera verkin?

Jú sest við tölvuna og hendir inn uppskriftum, bæði hér og hér

 

Ja væri ekki nær að BAKA

knús á alla

eilífðar vitleysis veður

Djöf er ég orðin leið á þessu eilífðar roki! Skil ekkert í Kára gamla að nenna þessum blæstri, verður hann ekkert þreyttur , þakka Guði fyrir að vera laus við veðurhræðslu sem hrjáði mig fram undir fertugt, var svo hræðilega veðurhrædd að ég gat mig ekki hrært ef komið var gott rok.  Svava Magg læknaði mig af þessari hræðslu með því að draga mig ævinlega út í gönguferð í vitlausu veðri, því meiri sem hríðin var, fannst henni betra hehehehe, og ég drattaðist með með lafandi tungu. Norðanáttin er oft ansi hvöss þarna á Tanganum og ekkert að gera annað en að sættast við sperringinn sem ég og gerði þannig að nú sit ég inni og hlusta á veðrið og pikka inn á tölvuna röflið í mér þið lesið ef þið viljið, annars ekki

Ætla að skella í piparkökur, þessar einu sönnu, og svo serenukökur, þessar tvær sortir eru ómissandi, serenukökurnar hafa fylgt mér frá því að ég man eftir mér, piparkökurnar byrjaði ég að baka fyrstu jólin okkar Jóns og allar götur síðan, þær koma frá henni Diddu fyrrum mágkonu minni, serenukökurnar frá henni mömmu minni.

 Hentist í Krónuna að kaupa inn smotterí á meðan veðrið er svona næstum þolanlegt og sem betur fer voru pokarnir mínir þokkalega þungir, annars hefði ég fokið um koll, þó ég sé ekki neitt fis, fékk svo þokkalega hviðu hér við tröppurnar, hefði verið sjón a´sjá kellu fjúka á hausinn og vörurnar út um allt

kallinn búin að setja jólaseríuna í stofugluggann, bíður eftir að ég komi mér að verki og reddi smáafþurrkun og svona fyrir uppsetningu á jólaþorpinu  sem hann setur upp um hver jól, vonandi fýkur það ekki út í veður og vind eins og greniljósaserían á tröppunum.

Jæja, kaffibollinn tómur, ætla að rífa af skenknum og koma mér svo í að hnoða.

Vonandi verður þetta skítaveður ekki neinum til tjóns eða valdi slysum.

gangið í ljósinu kæru vinir.

Gunna/mammzan 

nú fer skórinn út í glugga í kvöld

Já loksins er komið að því að setja skóinn út í glugga ætli hann Stekkjastaur vinur minn muni eftir mér, er búin að hamast við að reyna að vera góð

 Erla systir og Smári buðu í mat á föstudagskvöldið í tilefni 100 ártíðar föður okkar og eru þau hjón þá búin að halda upp á 150 ára afmæli á árinu, þ.e. hún varð 50 í feb og 100 ár frá fæðinu þess gamla.  Frábært kvöld og ekkert annað, maturinn rann ljúflega niður enda bara frábær og ekki skemmdi eftirrétturinn sem var heimalagaður ís oooh, uuummmm snilldareftirréttur! ekkert annað. 

 

 

Kvöldið var frábært eins og ég er búin að segja, verst að það komu ekki allir, Halldór bróðir okkar komst ekki vissi þó af þessu með löööngum fyrirvara og hefði átt að tryggja sér frí, en,  mikið að gera í vinnunni   eru sumir meira ómissandi en aðrir hehehehe, Dóri minn við söknuðum ykkar!   Bíbí systir, skessan sú, vissi þetta í endaðan júlí eins og við hin, planaði utanlandsferð! fatta hana ekki, hún varð svoooo glöð þegar Erla bauð, en ja svona er lífið og þau misstu af frábæru kvöldi. 

 

 

 

Takk elsku þið fyrir frábært kvöld

 

 

  Þarna er verið að halda moppukynningu um kvöldið , nei nei, eftir eitt glas af rauðvíni var nú höndin svo slöpp hjá sumum að mjólkinni sem átti að fara í kaffið var bara þeytt í gólfið hehehehe

 

 

 

 

 

 

 Sökudólgurinn að rúlla upp mjólkurblautum dúknum

 Annars hefur lífið gengið sinn vanagang, vinna, vinna og vinna heim til að ÆTLA að gera eitthvað, rölt í búðir í jólagjafaleit o.sv. frv.

Ætla að skreppa á kaffihúsið okkar Skrúðgarðinn til hennar Maríu og fá mér kaffi með Röggu Ósk ef allt gengur eins og planað var, ætlum að hringjast á uppúr kl 2.

Hætt í bili.

Knús og kram, gangið á Guðs vegum kæru vinir.

ykkar mammzan/Gunna 

             
 

 

 

Heima í dag :)

jebb, heima í dag, ætla að vera vonda mamman/tengdamamman og skipa fólki fyrir verkum fram og til baka gera þetta gera hitt, búin að senda í búðina eftir hjartastyrkjandi fyrir mig og þá er ég EKKI að tala um neitt sterkara en KAFFI hehehehe, það væri nú til að æra óstöðugan ef ég færi að fá mér í glas í miðju skipanaverkefninu og líklegt að þau parið mitt myndi sleppa vel.

En annars, er að hlusta á jólabylgjuna, ó hvað ég elska jólalögin, maður minn það er ekkert sem jafnast á við þau, enda erum við ekki að hlusta á þau nema ca 3-4 vikur á ári svo það er ekki mikil hætta á að maður fái nóg af þeim.

Alltaf á þessum tíma fæ ég svona það sem ég kalla "leikskólafiðring" það er svoooo gaman að vera með leikskólabörnunum fyrir jólin, þau eru svo einlæg og yndisleg,  reyndar eru þau það allt árið en sérstaklega finnst mér gaman að vera með þeim á þessum tíma.

Jæja, best að finna gribbuandlitið og senda grimmilegan tón um íbúðina "gera þetta, gera hitt" og sjá hvort einhver hræðist tóninn

Þar til síðar.

Gangið á Guðs vegum og megi ljós Hans umvefja ykkur.

Á ekki betri óskir fyrir vini mína, á sem betur fer ekki óvini, en myndi senda þeim hina sömu ósk.

Ykkar mammzan/Gunna 

 

EKKERT JÓLAHLAÐBORÐ :'(

Fór ekki á jólahlaðborðið hjá OLÍS , fékk einhverja fja... magakveisu og lagði ekki í ferðalag með setu við matarborð og óvissa aðkomu að wc

En í stað þess horfði ég á bara alveg bráðskemmtilegan Útsvarsþátt, fyrri hluti þáttarins var alveg bráðskemmtilegur, dró aðeins af í seinni hlutanum, en ég var náttúrulega mjög ánægð með sigurinn og hve vel hún bloggvinkona mín stóð sig

Þyrfti að skreppa í bæinn á morgun, veit ekki hvort ég nenni   finnst það ekkert spennandi, en... já verð líklega að druslast aarg

Annars er lífið búið að vera afar rólegt, nema vinna vinna og aftur vinna!
Hitti aðeins eitt af uppáhöldunum mínum úr Hólminum í gærmorgun, Sævar Sauratöffari birtist glaðbeittur í morgunsárið í OLÍS, alltaf gaman að sjá þá Saurabræður, þeir hafa sannarlega munninn þversum fyrir neðan nefið þessar elskur . Annars hefur fátt eitt gerst, ja nema jú Amy kom á mánudaginn var í vitlausu veðri, fékk reyndar gott flug sem betur fer kellan mín, gott að hafa hana hér aftur

Sit núna hérna við tölvuna og hlusta á léttbylgjuna sem spilar þessi líka fínu jólalög svo ég þarf ekki að draga fram diskana mína í dag hehehehe.

Fann skemmtilega síðu á dögunum, æðislega þægileg, nú þarf maður ekkert að vera að hugsa um það hvað maður hefur í matinn, skellir bara inn ákveðnum upplýsingum og "hviss, búmm, bang"  matseðillinn er tilbúinn! frábært hehehehe fínt fyrir mig, hef oft verið að berja saman matseðil, en einhvernvegin dugar það bara fyrir svona 1 mán og svo nenni ég ekki að gera næsta en núna er þetta ekkert mál!"

Jæja ekki er mikill bloggvilji í dag, svo ég ætla ekki að vera að berjast neitt meira, nær væri að fara að pússa glugga fyrir jólaseríuuppsetningu

MORGUNSOPINN

 

 

 

 

 

 Hann var góður kaffisopinn í morgun, freyðandi cappuccino

 

 

Tónleikar o.fl.

Jæja, ég fór á Megas ;) í Skrúðgarðinum í gærkvöldi, skemmti mér konunglega. Það átti nú ekki að hleypa gestunum inn af því að "tæknin" var eitthvað að stríða tæknimönnunum hans, en fyrir rest gekk það jú, María sendi okkur inn í upplýsingamiðstöðina, hugsa að hún hafi ekki gert ráð fyrir þessu frekar en aðrir, skítakuldi úti og fólk hékk við dyrnar þegar við Ingibjörg mættum á svæðið.
Það kostaði 1000 kr inn, það var sannarlega ekki mikill peningur fyrir þá ágætu skemmtun sem við fengum, mér finnst kallinn ekki "selja sig" dýrt, hefði ekki séð eftir 2000 kalli í hann.
Ekki kemst hann nú samt með tærnar þar sem hann Hörður minn Torfa elskulegur hefur hælana að mínu áliti, enda HT með afbrigðum góður laga og textahöfundur og frábær leikari þegar hann er á tónleikum. Hann er mitt mikla uppáhald þessi elska.( Knús og miklu miklu meira knús á hann elsku kallinn minn :*)
Hitti ógnarsjarmör á tónleikunum sem kom til mín og vildi endilega fá að bjóða mér í glas sem ég þáði, takk fyrir mig Maggi minn, þú ert alltaf bara frábær.

Ekki er vafi á því að BESTA KAFFIÐ er  hjá henni Maríu minni í Skrúðgarðinum, fékk mér kaffibolla hjá henni á tónleikunum og uuummm... sá eftir að hafa ekki bara fengið mér kaffi, hefði þá kannski ráðið við 2   (fer bara aftur síðar)

Við Ingibjörg ákváðum að skella okkur í skötu á Þorláksmessu, gerðum það í fyrra, ég borðaði reyndar bara saltfisk hehehehe og ætla að gera það líka núna, finnst skata ekki vera góð, og þá er ég bara pen í lýsingu minni á þessum "ágæta" mat.

Þegar ég var með Stjörnubita fram í Strandbæ á Hvammstanga hérna um árið, kastaði ég næstum upp þegar ég tók lokið af pottfjandanum í skötuveislunni á Þorláksmessu, hafði ALDREI soðið skötu áður og drottinn minn!   gekk betur árið eftir á Gunnukaffi, þá gerði ég ráð fyrir þessum skelfilegu ósköpum hehehehehe. Já svo lengi lærir sem lifir

Jæja, það var nú bara allt að verða hvítt þegar ég druslaðist fram úr, létt snjóföl yfir hérna og örlítil snjókoma, sjálfsagt komin hálka, og þá er bara að aka gætilega.

Hætt í bili, ætla að fara í búð þar sem ég tók þátt í frídegi neytenda í gær og ekkert var keypt inn nema pylsuskömm og samloka   en það var undir miðnættið, svo það slapp NÆSTUM hjá mér að halda daginn hehehehe.
Knús og enn meira knús
Megi ljósið umvefja ykkur og gefa ykkur yl í hjarta og bjarta og fallega daga núna í skammdeginu
Ykkar einlæg