Skrifa þarf fyrirsögn - færsla ekki vistuð! hvað er þetta? :)

Þá eru írskir dagar framundan, vonandi fer allt vel fram hérna á skaganum, alltaf leiðinlegt þegar fólk getur ekki hamið sig.

 

Loksins kom rigning, held að ekki hafi veitt af, sýnist grasið hérna í garðinum ansi gult, ekki það, mér hefur aldrei fundist grasflötin hérna falleg, hæðótt ja eða kannski frekar svona dældótt og miðað við hvað annars hefur verið lögð gífurleg og þá meina ég GÍFURLEG vinna í garðinn, skil ég þetta bara allsekki. Þegar ég var að byggja í Skuld, þá sagði mér garðyrkjuráðunautur að ég skyldi byrja á að slétta flötina mína áður en ég færi í eitthvað annað, sem ég og gerði og flutti burt hehehehehehe.

 

Annars er fátt eitt að tjá sig um, ég fer að vinna í næstu viku sem betur fer eru það bara 2 dagar í fyrstu lotu og 3ja daga frí, gæti ekki hitt betur á.

 

Nú fer maður að sofa með annað eyrað opið eða þannig, Heran mín var með einhverja verki í gær og ef hún líkist eitthvað mömmunni sinni verður hún snögg að þessu, það er farin að koma smá langömmufiðringur í mig, en hún er víst verkjalaus í dag.

 

Er búin að nota fríið mitt í heilmikinn bókalestur, uppgötvaði að ég kann að lesa hehehehe og las og las. Man þá tíð að ef maður komst yfir lesefni þá gat maður ekki hætt fyrr en upp var urið, og nú hefur lestrarhesturinn í mér vaknað af værum blundi, alveg sérdeilis sátt með það.

 

Ætli ég lendi ekki í snittum um næstu helgi, skilst að það vanti nokkrar og hvert er þá leitað, ja nema til gamla Gunnukaffivertans hehehehehe

 

Vi ses

 

Knus og kram

Ykkar einlæg

Athugasemdir

[Gudrún Hauksdótttir, 4.7.2008 kl. 04:24]

En yndislegt ad lítid kríli sé á leidinni í heiminn.Dóttir mín verdur líka léttari á næstu dögum....Dásalegt ad gefa sér tíma í bókalestur elska tad ad slaka á med góda bók.

Knús á tig mín kæra.

[Brynja skordal, 4.7.2008 kl. 12:14]

Já vonandi fer allt vel framm hér á skaganum um helgina hafðu ljúfa og góða helgi Elskuleg

[Helga Magnúsdóttir, 4.7.2008 kl. 16:23]

Hlýtur að vera spennandi að verða langamma. Vonandi gengur þetta vel hjá stelpunni þinni.

[Kristín Katla Árnadóttir, 5.7.2008 kl. 11:52]

Eigðu skemmtilega helgi hér í skaganum og allt fari vel knús.

[Lilja Guðrún Þorvaldsdóttir, 6.7.2008 kl. 22:08]

Nú vaknar aldeilis forvitnin og ég spyr:  Ertu orðin "langamma" Guðrún?

[Birna Dis Vilbertsdóttir (IP-tala skráð) 7.7.2008 kl. 10:16]

Langamma, þú sem ert kornung manneskja? Knús og klem

[Jónína Þorbjörg Gunnarsdóttir (IP-tala skráð) 8.7.2008 kl. 18:18]

Þú ert nú ekkert langömmuleg Guðrún mín, kornung konan.

[Sigríður Sigurðardóttir, 8.7.2008 kl. 21:14]

  Langamma.....nah nú ertu að gabba okkur, Guðrún!

[Heiður Helgadóttir, 10.7.2008 kl. 21:16]

kveðjur

[Sylvía Hera (IP-tala skráð) 11.7.2008 kl. 10:56]

hæ hæ... hvernig væri nú að fara að blogga... fólk bíður spennt að heyra hvort þú sért orðin langamma og þú bara svarar engu heheh :) en allavega, svona ef þú skyldir nú ekki blogga í bráð þá svara ég bara þessum spurningum fyrir þig og segi nei, sú "gamla" er ekki orðin neitt lengri heheh :)