Batnandi manni er best að lifa!

Ójá, ég held það nefnilega og því ætla ég að skella mér í að koma hér inn aftur, hve lengi??? hver veit, kannski stutt, kannski lengi, látum bara reyna á það.

Ég á ekki von á að bloggað verði daglega, en svona endrum og sinnum.

Dásamlegt veðrið í dag hérna á Akranesi, er bara að hugsa um að fara út með myndavélina mína og smella af nokkrum myndum að gamni mínu, en fyrst ætla ég að passa litla skottið í risinu. Hún er orðin stór dama og alveg jafnfalleg og hún var, eða kannski bara fallegri hehehehe, ömmumontið

Prjónaði núna eitt kvöldið kraga úr lopa, á eftir að koma þeim í réttar hendur en ég ætla að gefa sonardætrunum þá, þær skottast líklega til mín á eftir að sækja þá, langar að rumpa af vettlingum handa þeim líka hver veit, hver veit.

Annars er allt við það sama, strákurinn er rétt nýbúinn að hrista af sér sýkingu sem hann náði sér í í USA þegar hann var þar um jólin, eftir lyfjakúr sem samanstóð af þremur mismunandi lyfjum, svei svei.

jæja, það er að koma pössunartími og ég þarf að skríða úr náttgallanum í eitthvað aðeins merkilegra áður en ég hleyp upp stigann.

Knús í bloggheim og fullt fullt af ljósi og kærleik.

Gott að vera komin aftur

 

Athugasemdir

[Hólmfríður Bjarnadóttir, 6.2.2009 kl. 12:07]

Sæl Guðrún mín og velkomin á netið að nýju.

[Jónína Þorbjörg Gunnarsdóttir (IP-tala skráð) 6.2.2009 kl. 12:07]

Það var mikið, ég hélt bara að þú hefði skriðið í vetrarhýði eins og bangsi.

Knús í hús.

[Birna Dis Vilbertsdóttir (IP-tala skráð) 6.2.2009 kl. 12:21]

[Valgeir Matthías Pálsson (IP-tala skráð) 6.2.2009 kl. 16:25]

Knús í hvert hús á Skaganum.

Hafðu það rosalega gott Guðrún mín og risa knús á þig elsku vinur. Þú ert æði.

Halltu svo endilega áfram að blogga.

Með bestu kveðju.

Valgeir.

[Erna Friðriksdóttir, 6.2.2009 kl. 17:27]

Velkomin aftur Gunna mín .......................

[Anna Ragna Alexandersdóttir, 6.2.2009 kl. 18:39]

Velkominn

[Kristín Katla Árnadóttir, 7.2.2009 kl. 11:57]

Velkominn aftur elsku Guðrún mín