þar fór stíflan!

13.9.2008 | 21:02

Mikið andsk... hef ég verið tölvulöt undanfarið og bloggleti alveg að fara með mig.

Flóttafólkið komið á skagann, ég búin að hitta eina fjölskylduna í Olís, þar sem 17 ára strákur var látinn kaupa tóbak og þegar ég gerði athugasemd við þetta og sagði sem var að við mættum ekki selja börnum undir 18 ára tóbak var mér tjáð að hann talaði fyrir móðir sína sem kynni ekki ensku, en stuðningskonan sem var með þeim átti auðvitað bara strax að biðja um tóbakið sjálf, ekki koma krakkaskinninu í svona vitleysu. Auðvitað fékk konan tóbakið sitt, en mér fannst þetta afar kjánalegt að þeim sem var að aðstoða þessa fjölskyldu og hana nú!

Nóg um það!

Eldaði mér dásemd í kvöld, steikt lambahjörtu í sósu og með kartöflumús, veit ekki alveg hvað feðgum fannst, það voru ekki nein hávær húrrahróp yfir þessu, en jæja þetta var etið! Tíkin iðaði af löngun og fékk smábita, en þar sem hún er alltaf á þurrfæði varð það að duga að fá smakk, hún var aftur jafnglöð og ég með þetta LoL

Helgarfrí hjá kellu og bara slappað af í stað þess að vera eitthvað að takast á við ryk og þ.h. leiðindi, aðeins tekið í prjónana mína, það er að verða svo spennandi að klára flíkina og sjá hvernig hún kemur út ;) en henni verður nú ekki flaggað neitt fyrst um sinn svo ég er að reyna að sitja á mér, veit sem er að hún verður ekki kyrr hjá mér þegar ég hef lokið við hana, get þá ekki setið á mér að montast yfir þessu og þá er hún farin. Blush

Langömmuprinsessan kemur upp úr næstu helgi held ég, er farin að sakna þeirra þarna í risinu og virkilega farin að fá löngun til að knúsa skottuna mína hana Dagnýju Rós. Heart

Var í matarboði í vikunni hjá Erlu og Smára, fékk yndislegan mat þar að vanda og stóð lambalærið upp úr með grænu baununum og rabbabarasultunni namminamminamm! Hann mágur minn varð 55 ára þann 11 þ.m. og vildi auðvitað hitta skemmtilegt fólk og var þetta bara ágætasta kvöld fannst mér, Hadda og Beggi og Helga og Heiðar komu líka og að sjálfsögðu Jói, Ursúla Ásgrímur og Kaja listakona. Takk fyrir yndislegt kvöld og frábæran mat krúttipúttin mín Kissing

Gleymdi myndavélinni, því miður. Frown

Skemmtilegur hittingur sem lofar enn skemmtilegri hitting í framtíðinni var á Skrúðgarðinum sama dag og matarboðið var, ég bíð spennt eftir næsta hitting, takk stelpur þetta var reglulega skemmtilegt.

Svo...

Kannski betra að blogga oftar og aðeins minna í einu ? ja eða ekki??? Veit ekki.

Hafið það reglulega næs, það ætla ég að gera!

Flokkur: Bloggar | Facebook