Já Jóna, rauð snjóþota :)

en hún dugði ekki til að fara með "drenginn" í gönguferð það var farið að rigna áður en ég kom mér af stað hehehehehe, hann hefði ÖRUGGLEGA vilja koma með mér held ég.

Var að fá sms frá dótturinni, 95%líkur á heimferð á morgun, svo er engin vinna fyrr en eftir 6 vikur, en skítt með það, hún er með eitthvert ofnæmi sem þeir þurfa að eiga við áður en hún fer heim, þess vegna eru þetta 95%líkur  Mamma gamla bara happy með það.

Fékk samt leiðindafréttir í gærkvöldi sem ég ætla ekkert að tíunda, en ég sofnaði leið og með áhyggjur, því miður ger ég ekkert gert í þessu máli, svo ég er búin að henda áhyggjunum út í "buskaland" eins og börnin mín sögðu, (einhver misskilningur af út í buskann hehehe). Sólin skín hérna svona aðeins á milli élja, (það gerði reyndar haglél hér áðan en ég sat inn í bíl svo það slapp) og veðrið er bara fínt.

Skellti mér í klippingu í morgunsárið (kl 10) átti bágt með að opna augun hefði viljað sofa til hádegis en það var ekki í boði svo ég reif mig upp á afturendanum með harðfylgi sjálfrar mín og henti mér út í bíl, svo  þegar Helena í Hárhúsi Kötlu var búin að ljúka sér af með mig, ja þá leið mér eins og barni sem er að fá jólapakkana sína í hendur, bara hæstánægð með klippinguna, og þá meina ég hæstánægð!  ætla til hennar eftir mánaðarmót til að fá mér strípur í fallega gráa hárið mitt

 Gangið í ljósinu vinir mínir, og takk fyrir bæir og ljós fyrir hana dóttir mína, það er sko alveg greinilegt að það hefur gert sitt.

knús og verði dagurinn ykkur afar góður 

 

Athugasemdir

[Hrafnhildur Ýr Vilbertsdóttir, 28.1.2008 kl. 13:19]

Það er fátt betra til upplyftingar en að fara í klippingu eða gera eitthvað annað fyrir sjálfan sig. Gott að dóttirin er að hressast

Það er gott að láta minna sig á að áhyggjurnar sjá um sig sjálfar, maður þarf ekkert að hlúa að þeim eins og veikum ættingja vona að þetta hafi ekki verið mjög alvarlegar fréttir Gunna mín.

Ég ætla stela þessu og  nota sjálf.......buskaland...hehe. 

[Heiður Helgadóttir, 28.1.2008 kl. 15:07]

Ég fór lika í klippíngu, en á eftir að setja í strípur, geri það sjálf og í kvöld.

GOTT HJÁ ÞÉR AÐ HENDA ÁHYGGJUNUM Í BÚSKALAND, LÁTTU ÞÆR VERA ÞAR SEM OFTAST. Kær kveðja

[Erna Friðriksdóttir, 28.1.2008 kl. 16:26]

Vona Gunna mín að þetta hafi ekki verið verulega slæm frétt :(    en er að bíða eftir tölvupósti frá þér mín vina    Hafðu það gott  eins og þú getur ...........

[Heiða Þórðar, 29.1.2008 kl. 00:57]

Gakktu í ljósinu með mér ljúfust.

[Sigríður Sigurðardóttir, 29.1.2008 kl. 22:23]

  Kíkti á kertagaldrana þína.  Skemmtilegt og fróðlegt að lesa.  Er mikil kertakona, og hef alltaf vitað að litirnir skipta máli, en aldrei vitað nógu vel hvað hver litur táknaði.  Takk fyrir þetta.

  En vona að dóttslan þín sé orðin hress, og að vondu fréttirnar verði auðleyst mál, og rjúki sem reykur út í veður og vind...kannski með næsta kertagaldri!

[Maddý (IP-tala skráð) 31.1.2008 kl. 07:58]

Ég man eftir því í den að ef mamma var eitthvað leið þá fór hún í lagningu og kom svo ljómandi til baka og allt varð aftur gott

Mikið er gott að dóttlan þín er að ná sér

Eigðu góðan dag

[Kristín Katla Árnadóttir, 31.1.2008 kl. 12:01]

Gott hjá þér elsku Guðrún mín það er gott hjá þér að fara í klippingu. Takk fyrir stuðninginn við mig hafðu það gott.