snjór og meiri snjór :)

Jæja, veturinn kom með þorranum, ja eða rétt á undan þorranum, ég sé foreldra spássera um bæinn með börn á snjóþotum, verst að mitt yngsta er orðið alltof gamalt til að draga um bæinn á þotu hehehehe, að verða 21! ætli hann þæði far ef ég byði honum

Skammturinn af snjó er fínn núna, nú panta ég bara gott veður áfram, hafa þennan snjó sem er komin og njóta þess að eiga vetur, skjálfa svolítið, bölvast og kvarta yfir kuldanum, en vera samt í hjartanu sátt við þetta allt saman og að eiga heima á þessari litlu köldu eyju okkar með snjónum og passlega heitu sumrunum fyrir mig.

Heyrði í Elvu í gær, hún er bara á góðri leið, fékk lækni í heimsókn, hann kom með einhverja pappíra út af þessari aðgerð sem hún fór í núna, henni skyldist að þar sem þessi koma hennar á sjúkrahúsið, aðgerðin og það allt væri ekki sú aðgerð sem hún var að koma í upphaflega, heldur afleiðing af henni þá fengi hún eitthvað bætt s.s. vinnutap o.þ.h. vil nú samt ekki alveg fara með þetta, en hún er með pappíra sem hún á að lesa og undirrita og senda svo til ríkispítalans og þá fær hún einhverjar bætur, það kemur allt betur í ljós síðar, hún ætlar að fá skötuhjúin Moniku og Karl til að vera sér innan handar, er búin að gefast upp á annarri hjálp, enda löngu kominn tími til. Hún var ekki alveg með upplýsingar á hreinu, læknirinn var að fara frá henni þegar ég hringdi og hún ekki farin að lesa plöggin

Við Ragnar Sigurður skruppum á flakk í gær, fórum til Erlu systir og Smára, það er alltaf svo gott að koma þangað, krakkarnir hans Jóa voru þar, en aldrei verður maður var við að þau séu þarna, ótrúlega lítið sem fer fyrir þeim   Það hefur nú reyndar alltaf verið svoleiðis hjá Erlu, ég man þegar ég var að koma þangað með mín, og þó að þau væru þá orðin 5( hennar 2 og mín 3), fór einhvern vegin ekki mikið fyrir grislingunum okkar enda vel upp alin

Ein aukavaktin enn býður mín, en svo er þessu að ljúka, því miður, það' bitnar á pyngjunni þó maður sé stundum hundleiður á að taka allar þessar aukavaktir sem ég skrifa mig á er alltaf fínt að fá útborgað

 

Kærleikur og ljós til ykkar allra 

 

Athugasemdir

[Heiður Helgadóttir, 26.1.2008 kl. 13:34]

Gángi þér vel á aukavaktinni, ertu nú viss um að sá 21 árs vilji ekki vera dreginn á sleða

[Guðrún Jóhannesdóttir, 26.1.2008 kl. 13:46]

ja, þú segir nokk, ætti kannski bara að spyrja

[Guðbjörn Jónsson, 26.1.2008 kl. 13:56]

Eitthvað virðist vera eftir af gamalkunnum húmor. Það kemur mér ekki á óvart þó uppeldið klikki ekki hjá ykkur systrum.  Þegar aukavöktunum linni ferðu bara að prjóna, svo þú hafir eitthvað að gera.  Bið að heilsa liðinu.

[Maddý (IP-tala skráð) 26.1.2008 kl. 22:21]

Takk fyrir frábæra hugmynd, ég ætla svo sannarlega að bjóða mínum stóru strákaslánum á snjóþotu en það er samt alveg komin tími á að þeir dragi mig ...

 Kærleiksljós til þín og þinna

[Adda bloggar, 26.1.2008 kl. 23:55]

vildi bara skilja eftir kv.ég bið fyrir stelpunni þinni.

[Jóna Á. Gísladóttir, 27.1.2008 kl. 23:35]

Ég sé þetta fyrir mér; þig og þann 21 árs á rölti um bæinn með rauða snjóþotu

Gott að heyra að þetta sé allt í áttina hjá dóttur þinni. Batakveðjur.