Smáblogg yfir kaffibollanum

Já, er ekki kellan bara komin á gamlar slóðir og farin að blogga, aðeins að rifja upp gamla takta :)

Sólin er nú  frekar í minni kantinum hérna í dag, en þurrt, en einhver sagði mér að það ætti að rigna, ég þarf þurrk í dag og ætla veðurguðunum að taka tillit til þess :)

Ætlaði að þeytast í Hólminn um helgina, en skokkurinn var ekki á sama máli og hugurinn  og hann fékk að ráða, ég sat heima. Það koma fleiri dagar svo ég er nú ekkert gráti nær ;)

Held að ég sé búin að fá gest á stofugluggann, mér sýndist það a.m.k. í gær, ef svo er þá er hún velkomin kerlingarálftin, þó ég sé frekar lítið spennt (svo ekki sé meira sagt) fyrir  svona gestum þá er samt gaman að fylgjast með þeim í öruggri fjarlægð

Ég er megasátt við nýju dömuna sem er að koma að vinna í OLÍS, Sylvía mín Hera er að byrja að vinna á MINNI VAKT núna í endaðan þennan mánuð, henni líst svo vel á vaktaplanið og sér að hún hefur, þrátt fyrir langar vaktir, meiri tíma með skottunni sinni en ef hún væri að vinna áfram í Krónunni, hlakka bara til að fá að vinna með henni

Kallinn er að fara frá mér....

....ja eða sko í nokkra daga hann ætlar til hennar Stellu sinnar og hans Kidda á Skarði, hrella þau með nærveru sinni fram í vikuna, við mæðginin sitjum heima og teljum daga niður í að Amy komi, já hún er að koma skvísan og ætlar að vera út júlí.

Jæja, nú verð ég að hendast í sjoppuna og kaupa mér rafhlöður í myndavélina mína svo ég geti myndað ljúflinginn minn á glugganum og fylgst með henni frá degi til dags.

Þar til síðar

gangið í ljósinu vinir

mammzan

bíllinn fundinn!

og að öllum líkindum í lagi ;)

Bíl sambýlismanns míns var stolið í nótt

Ef þið sjáið einhversstaðar TOYOTU CARINU UM 362 græna að lit, þá má gjarnan láta vita af því, henni var stolið hér á Skaganum í nótt. Það er búið að kæra þetta til Lögreglu svo sennilega eiga upplýsingar að fara þangað.

Gargandi geðvonska!

Takk takk

Mammzan með bíllausan sambýlismann

 

hjálp!

Kæru vinir, mig langar að biðja ykkur að gefa ykkur smátíma og kíkja á þennan link hér

Ung mamma mikið veik

biðjum fyrir henni og sendum ljós og kærleik

Húsasmiðjubrauðtertublogg

Smáblogg svona að gamni.
yndislegur morgun í gær, heyrði í hrossagauknum og ég fann smálöngun til að skreppa vestur í Reykhóla, herði svo oft í honum þar á sumrin þegar ég heimsótti Elvuna mína.
Varð að fara heim ú vinnu í gær, bakið var ekki í stuði til að vera að puða, þrátt fyrir dágóðan skammt af verkjalyfum arg og garg.
Kallinn kom svo heim í gær með slatta af hinu og þessu í poka og bað kelluna sína að setja saman brauðtertu og ég ætla að smella inn mynd af afrakstrinum


Skellti meira að segja á hana Húsasmiðjulogoinu en það varð að vera grænt þar sem hráefnisskortur var á heimilinu ;) en ég er bara sátt með útkomuna og vona að allir hafi verið sáttir með bragðgæðin (og vonandi merkið )
Helgarfrí framundan og kellan ætlar að nota það vel og huga að sjálfri sér
meira blogg aðeins síðar
Knús
 

GLEÐILEGA PÁSKA KRÚTTIN MÍN

Páskadagur!
Vinna!
MATARBOÐ hjá Sunnevu   takk fyrir mig krúttan mín
Var að vinna fös, lau og sun, bara fínt, stuttur vinnudagur á föstudaginn og aftur í dag   bara sátt við að vinna þessa helgi þannig lagað.
Sunneva var svo mikill sætulingur að hún bauð ömmunni sinni í mat í kvöld, svín og alles með is í dessert, bara frábært, og það besta við allt var að eiga smástund bara með henni, það gerist OF sjaldan.
Það verður svo "annar" í páskamáltíð hjá mér á morgun því það var ákveðið að þar sem ég væri að vinna yrði engin eiginleg páskamáltíð hér í dag og því  má ég standa í því á morgun ekkert að því hehehehe bar fint mál.

Við á vakt eitt höfum nú verið duglegar að gera okkur dagamun vinnuhelgarnar okkar og komum þá með eitthvert gúmmilaði með okkur, nema núna þessa helgi, enda eins gott, það hefði ekki verið mikill "friður" til að setja andartaksstund og maula meðlætið með kaffinu, gerum það bara næst :)

Góð vika framundan, vinna í tvo daga, þ.e. miðv.dag og fimmtud og 3ja daga helgarfrí, alltaf jafnyndisleg þessi hluti vaktatöflunnar og gerir mann sáttari við "vinnuvikuna" ;) en maður væri ella.

Annars!
ekkert nema gott, sólin er farin að skína og dagurinn orðinn langur og Gunna kominn með hvern ferðafiðringinn á ´fætur  öðrum eins og gerist öll vor, einhver gífurleg flökkunáttúra sem blundar innra með mér allan veturinn rís upp þegar fer að birta og daginn að lengja og þá langar mig að setjast upp í bílinn minn og keyra og keyra og keyra eeendalaust!

BLOGG? Jú ekki ber á öðru ;)

Kominn tími á smáblogg, þó miklu fyrr hefði verið
Ekki það að eitthvað merkilegt eða mikið hafi verið að gerast í mínu lífi, allt frekar rólegt.
Það var fermt hjá Estu í endaðan mars, Olli litli er kominn í fullorðinna manna tölu eins og sagt var í denn, alla vega þegar ég fermdist og er nú ÖRSTUTT síðan.
Búin að plana sumarið, ætla að  vinna í allt sumar ja eða þannig sko, vinn bara 1/2 vaktina mína og restin er svo sumarfrí, öðruvisi ræð ég ekki við sumarið og þar sem ég sé ekki fram a að ég komist til Danmerkur eftir að launin mín lækkuð þessi ósköp hjá Olís , þá er bara eins gott að hafa þetta svona
brjálað að gera í dag í vinnunni, steiktum triljón hamborgara og seldum ís í lítravís í dag, ótrúlega var gott að koma heim og gera EKKERT   bara dúlla sér og fara á netið og svona.
Bakaði alveg býsn í gær, muffins formkökur og hjónabandsælu og nú er full stór skúffa í frystinum hjá mér af bakkelsi, ætla að henda í flatkökur og kleinur eftir helgina. Kjeddlan er bara að missa sig þessa dagana í bakstrinum enda komin með hrærivél sem hefur ekki verið til á þessum bæ síðustu 20 árin, bara handþeytari, svo ekki er skrýtið þó eitthað sé gert hehehehe

Hætt að sinni, en vonandi verður nú drifið í að blogga fljótlega aftur
knús

Ætli ég hafi ekki bara ofreynt mig á bakstrinum ;)

Já assskoti maður, held bara að ég hafi ofreynt mig á þessum bakstri um daginn hehehe, alla vega hef ég ekki fengið annað svona orkuskot til að framkvæma mis nauðsynleg verk
Annars, allt í góðu, fór í skemmtilegt en fámennt partý á föstudagskvöldið og skemmti mér alveg konunglega, liðið skellti sér svo á Mörkina en ég átti vinnuhelgi og fór heim, bara gott mál. Skellti svo á brauðtertu í fyrrakvöld og fór með hana í vinnuna í gær, við erum nefnilega farnar að gera eitthvað svona smá fyrir okkur vinnuhelgarnar, sem  er bara gaman.
Er aðeins farin að kvíða sumrinu, kem ekki til með að ráða við þessar 12 tíma vaktir þegar fer að verða meira að gera, spurning um að "sleppa" sumarfríi og vinna bara 1/2 vaktir í sumar, það gæti komið vel út og þar sem ég býst ekki við að ég taki flugið í ár,þá á ég góða frídaga sem eg get notað í að skjótast her innanlands og má segja að það sé kominn tími á það, hef farið til DK undanfarin 3 sumur og ELSKA það.
Hef verið að passa langömmuskottuna mína þá daga sem ég er ekki að vinna svona 1-2 tíma á dag, bara gaman að því, en nú eru opnir dagar þessa vikuna í skólanum og þá er ég í fríi líka ;) og hún sleppur alveg við að langasín komi að hrella hana ;) þarf nú að fara að setja inn myndir af kellu svona til gamans.
Hef aðeins verið að rifja upp gömul samskipti við prjóna, garn og lopa og er búin að prjóna 2 kraga, (eða hvað þetta er kallað) úr lopa og gaf stelpunum hans Óla Karínu og Katrínu svo ætla ég eitthvað að dunda mér meira með þessi áhöld ;)
Óli lenti í slysi í vinnunni fyrir nokkru síðan, er sennilega ekki á leið í vinnuna alveg strax aftur, hann er brotinn og það sem er verra að hnéð er illa farið og það er eitthvað sem á eftir að draga dilk á eftir sér. Fja.... vesin hjá honum stráknum mínum
Jæja, ætla ekki að ofreyna mig í blogginu   og læt þetta duga að sinni.
knús
kærleikur
ljós

 

Þegar piparkökur bakast....

Jebb, er bara búin að vera ansi seig í dag   búin að baka og baka, baka og baka, bæði muffins, formkökur, tertubotna, mínílagtertu (vera soldið sæt við kallinn), kleinur og brauð.
ÞAR HAFIÐ ÞIÐ ÞAÐ!!!
Skyldi kellingin vera feig

Afmælispartý í gær, missti af því   var hundslæm í skrokknum og hafði ekki dug til að fara því miður, veit að það hefur verið rosagaman, Elín Ólöf vinnufélagi minn átti 25 ára afmæli   til hamingju með það elskan

Það fór nú fyrir lítið prjónaskapurinn hjá mér, ætlaði að rumpa af sokkum á stóra strákinn minn, en er ekki búin með nema brugninguna á fyrri sokkum hehehhee, en hann er nú svo sem ekki neitt að  verða vinnufær svo þetta bjargast

Jæja, ætlaði svo sem ekert að blogga en er að bíða eftir að það sem er í ofninum bakist og ég geti slökkt á honum og farið að gera ekki neitt.
Sendi ykkur ljós og kærleik kæru vinir
Ykkar
mammzan

Batnandi manni er best að lifa!

Ójá, ég held það nefnilega og því ætla ég að skella mér í að koma hér inn aftur, hve lengi??? hver veit, kannski stutt, kannski lengi, látum bara reyna á það.

Ég á ekki von á að bloggað verði daglega, en svona endrum og sinnum.

Dásamlegt veðrið í dag hérna á Akranesi, er bara að hugsa um að fara út með myndavélina mína og smella af nokkrum myndum að gamni mínu, en fyrst ætla ég að passa litla skottið í risinu. Hún er orðin stór dama og alveg jafnfalleg og hún var, eða kannski bara fallegri hehehehe, ömmumontið

Prjónaði núna eitt kvöldið kraga úr lopa, á eftir að koma þeim í réttar hendur en ég ætla að gefa sonardætrunum þá, þær skottast líklega til mín á eftir að sækja þá, langar að rumpa af vettlingum handa þeim líka hver veit, hver veit.

Annars er allt við það sama, strákurinn er rétt nýbúinn að hrista af sér sýkingu sem hann náði sér í í USA þegar hann var þar um jólin, eftir lyfjakúr sem samanstóð af þremur mismunandi lyfjum, svei svei.

jæja, það er að koma pössunartími og ég þarf að skríða úr náttgallanum í eitthvað aðeins merkilegra áður en ég hleyp upp stigann.

Knús í bloggheim og fullt fullt af ljósi og kærleik.

Gott að vera komin aftur